India pura te 36.45 crore Covid vaccine thikena ase

July 9, 2021. India laga states pura melaikena 36.45 crore COVID-19 vaccine doses thikena ase, etu khobor toh Union Health ministry para Wednesday din junaishe. Notun phase universalisation of Covid vaccination toh June 21 darik te soruh hoishe. Wednesday din te 31,04,426 oper vaccine doses toh manuh logot thishe, koikena 7 pm provisional khobor para janaishe, koikena ministry para koishe. Aro khobor hesab te 14,04,816 vaccine doses toh 1^st dose ase aro 1,35,166 vaccine doses toh 2^nd dose nemite Wednesday din 18-44 umer khan logot thishe. Sob melaikena states aro union territories te 18-44 umer logot 10,62,08,106 manuh ke tai khan laga 1^st dose thishe aro 31,88,078 manuh logot 2^nd dose thishe, etu toh 3^rd phase vaccination drive soruh kora beche ase koishe. Uttar Pradesh, Madhya Pradesh, Rajasthan, Tamil Nadu, Bihar, Gujarat, Karnataka aro Maharashtra te 18-44 umer group khan logot first dose COVID-19 vaccine toh 50 lakh logot thishe aro etu oper te Andhra Pradesh, Assam, Chhattisgarh, Delhi, Haryana, Jharkhand, Kerala, Telangana, Himachal Pradesh, Odisha, Punjab, Uttarakhand aro West Bengal te 18-44 umer logot 1^st dose Covid vaccine toh10 lakh oper manuh logot thishe, koikena etu khobor toh ministry para janaishe.