July 10, 2021: Tezpur University para 2021-22 saal nemite eligible candidates logot alag-alag programmes te admissions koriboli online applications invited korishe. Etu application process toh July 7, 2021 para August 10, 2021, Tezpur University te thakiboli ase koikena statement te janaishe. Itya dak te University para online applications toh B.Tech, B. Tech (Lateral entry), M. Tech aro Ph.D programmes nemite ekla janaikena ase. Candidates ke B.Tech programmes nemite admission toh All India Rank/Common Rank List (CRL) of JEE (Main) hesab te National Testing Agency para select koribo aro B.Tech (Lateral entry to second year) candidates nemite Personal Interview aro Academic Performance hesab te qualifying exam thakina select koribo koishe. B.Tech programmes te 60% seats toh Northeast states candidates nemite reserved ase aro online application toh Tezpur University admission portal te submit koriboli janaishe. Baki 40% seats admission nemite candidates sob nemite kula ase aro candidates para Joint Seat Allocation Authority (JoSAA) te Central Counseling lokina thaka admitted koribo koishe. “M.Tech programmes nemite candidates kaun valid GATE score hoikena thaka toh merit hesab te direct admitted koribo,” koikena Tezpur University para khobor toh janaishe. Hoilebi konuba seats toh non-GATE candidates nemite be ase koishe. Candidates khan ke (i) Personal Interview, (ii) academic performance in qualifying examinations and (iii) other performances (such as research publication, research experience aro class 10 aro 10+2 marks) hesab te select koribo koishe. Ph.D programmes nemite candidates khan ke nejor Departments para Academic Performance aro Personal Interview loikena select koribo. Hoilebi, UGC-(NET/JRF)/UGC-CSIR(NET/JRF)/DBT-JRF/ICMRJRF/ICAR-NET/GATE/ SLET/M. Phil thakai candidates logot Personal Interview loboli koishe. Interested thakai candidates khan para Tezpur University website: www.tezu.ernet.in te prospectus, eligibility criteria, intake aro dosura details toh link: https://www.tezuadmissions.in te application fee of Rs. 800/- per candidate(Rs. 400/- for SC, ST aro PWD candidates) khan para thiboli koishe. University para aro dosura programmes admissions nemite olop din beche janai thiboli koishe.
Add Comment