July 11, 2021. Assam-Mizoram border Cachar district osor Khulichara-Singoa jaga te Saturday din Mizo goons khan para Assam police ke target korikena bomb marishe. Etu incident janikena Cachar superintendent of police, Vaibhav Chandrakant Nimbalkar para police force besi loikena jaga te jaikena visit korishe. Khobor kora manuh para Northeast Now logot janaishe ke, Assam laga forest department para Khulichara-Singoa border jaga te rasta bonai thaka samai howa ase koishe. Assam police para koishe ke, etu goons khan toh Young Mizo Association (YMA) thakishe. Cachar superintendent of police, Vaibhav Chandrakant Nimbalkar joldi jaikena jaga toh pongchise. Olop gonda thaka beche aro additional director general of police, (ADGP) Harmeet Singh para be commando force loikena jaga te pongchise koishe. Khobor para janaishe ke, YMA cadres khan toh Shanti Basti jaga Singoa te Saturday din camped kori thakishe koishe.
Assam police para YMA cadres logot jaikena etu jaga toh jarikena jaboli koishe. Hoilebi YMA cadres khan para mana nai koishe aro etu samai youth khan para toh police force oper te bomb pelaishe. Olop samai thaka beche, Cachar deputy commissioner Keerthi Jalli aro deputy superintendent of police (DSP), border, SK Hazarika melaikena Khulichara jaga te ahikena halat toh sai thakishe koishe. YMA cadres khan ke Assam police para wabas putaishe. ADGP osor te forest department officials para rasta kam toh aro soruh korishe koishe. Etu samai Assam sepai oper te Mizo goons khan para bomb marishe, koikena Northeast Now logot khobor toh paishe, hoilebi etu samai bomb blast te kaun be jokom powa nai koishe. Etu samai, Mizo police personnel khan be Mizoram jaga pithor Dhalakhal bosti te camping kora thikishe. Assam police para media logot khobor eku janai deya nai. Assam police laga high-ranking officer para khobor toh chopa boli korishe aro “ami khan laga jaga toh ekta inch be pachabo,” Koishe.
Add Comment