Bengaluru: Saturday din Bengaluru Central Crime Branch (CCB) joint commissioner of police (Crime) Sandeep Patil para loikena Bengaluru central prison te checking kora samai jail te bohi thaka manuh laga hath te lethal weapons, narcotics substances aro mobile phones thurishe koishe. Khobor hesab te Central Crime Branch (CCB) para 40 lethal saman neshina- swords, machete, daggers, knives, and scissors toh jail te bohi thaka manuh hath para paishe. Officials para aro ganja, aro ganja laga pipes (Chillums), mobile phones aro pen drives toh etu criminals hath para paishe. Official kaun para check korishe, tai koishe ke jail te bohi thaka manuh hath te weapons, contraband aro mobile phones thaka nemite detail te sawal koribo. “tai khan laga hath te weapons aro drug thaka nemite case koribo, hoilebi itya tai khan jail pithor te ase etu nemite te sawal korikena Arms Act, NDPS Act pithor te case toh registered koribo,” koikena officer para reporters logot janaishe. Tai koishe ke, prison authorities para weapons, drugs, aro mobile phones jolaboli deya nemite sawal koribo. “etu lethal sharp weapons toh etu manuh khan laga hath te paishe aro tai khan para self-defence nemite ase,” koikena senior officer para janaishe.
Etu mobile phones, pen drives toh forensic science laboratories (FSL) te putabo aro tai khan dosura kam te samil thaka laga khobor toh janibo, officer para aro koishe. CCB para koishe ke, jail pithor te aro pesari ase. Bangaluru Central Jail ke Parappana Agrahara Central Prison be koi aro Karnataka te sob se tangor jail ase, etu pithor te 2200 jail manuh khan ase. Itya 2,700 jail manuh bohi ase, Jowa saal bemari nemite 4,500 manuh bohi thaka toh komti hoiken ase.
Add Comment