July 12, 2021. Assal te 24 gonda pithor Covid-19 bemar para 16 jun morishe aro 1,579 notun positive cases thurishe, koikena khobor para janaishe. Assam health minister Keshab Mahanta para koishe ke, Sunday evening te etu khobor janai deya samai notun cases toh thura toh 97,257 tests lowa pithor te thurishe. Sunday din Assam te positivity percentage toh 1.62% thakishe aro notun cases pithor te Kamrup Metro city te 150 cases registered hoishe. Dosura 100 bemar mauh neshina kaun khan Covid-19 bemar thaka toh itya 24 gonda pithor te bhal hoishe koishe. State laga covid-19 recovery rate toh 95.10% te ase. “Summary of 11/7/2021 – Aji laga Total 1579; Overall Positivity Percentage; (1579 cases out of 97,257 test korishe = 1.62%); Kamrup(M) 150; Death 16; Recovery Rate 95.10%,” ase koikena health minister mahanta para Sunday evening te janaishe. Saturday din Assam te Covid-19 bemar para 24 jun morishe aro 2,391 positive cases thurishe. Etu notun cases thura toh Saturday din 1,33,308 tests lowa te thura ase koishe. Assam laga overall positivity percentage toh Saturday din dak te 1.79% thakishe. Notun cases pithor te Kamrup Metro district te 228 cases khobor paishe aro state laga Covid19 recovery rate toh Saturday din te 94.86% thakishe. Etu samai India te 24 gonda pithor 41,506 notun Covid19 cases thurishe. State te active caseload toh 4,54,118 ase. India te active Covid19 cases toh total cases pithor te 1.47% ase. Sob melaikena 2,99,75,064 manuh khan bemar bhal hoikena ase koishe. 24 gonda pithor 41,526 bemar manuh bhal hoishe aro recovery rate toh 97.20% te othishe koishe.
Assam te Covid para 16 morishe, 1,579 notun positive cases
