July 13, 2021. Rohingya maiki 33 umer, jowa saal December moina para Karimganj district jail te bohi thaka toh jail pithor te chokri bacha paishe koikena officials para khobor toh janaishe. Etu maiki aro dosura 12 Myanmar manuh ke jowa saal December moina te south Assam’s Karimganj district te Passport Act te thurikena thakishe. “etu maiki aro bacha laga halat toh bhal te ase aro hokom hesag te tai jun ke sai ase,” koikena senior jail official para janaishe. Jowa saal December moina te 13 Myanmarese Rohingya pithor te bacha 6 jun toh Bangladesh para India te illegally aha nemite thutrishe. District laga Senior police officials para koishe ke 13 jun pithor te tui(2) jun toh puila para India te ahikena thakishe. Etu manuh sob toh Bangladesh Cox’s Bazar jaga refugee camp para pulaikena aha ase koishe. Tai khan ke Guwahati night super bus te Agartala te ahi thaka samai thurishe. Etu 13 jun ke Assam-Tripura border Churaibari jaga te December 22 darik te thurishe. Local court para etu beche jail te putaishe. Karimganj District Jail laga superintendent, Sanjib Chetia para janaishe ke, itya dak te 42 foreign manuh pithor te 14 Rohingyas aro Serbian aro Nigerian manuh jail te bohi ase koikena khobor toh janaishe.
Karimganj jail te 32 umer para bacha paishe
