Uttarakhand COVID-19 Lockdown July 20 dak othaishe

Dehradun: Uttarakhand government para coronavirus lockdown toh aro July 20 darik dak othaishe aro authorised district magistrates para tourists visiti kora toh jodi lakile weekends te manishe. Etu samai negative Covid test report toh 72 gonda pithor te jolibo aro smart city portal te registration toh tourists nemite mandatory thakibo koishe. Magistrates ke weekend samai nejor jaga te visitors ke geographical halat toh saikena kam koriboli laki koikena Chief Secretary SS Sandhu para notun hoshari hokom toh janaishe. Covid hoshari neum toh jaga sob te masks lakina social distancing maniboli janaishe aro kaun manuh khan etu neum toh beya koribo, etu manuh khan oper te tangor sajai bapo koikena hokom para janaishe. Dosura relaxations toh puila para manishe kena itya jalo hoi ase koishe. Commercial establishments toh 8 am para 7 pm dak hotai din kulibo aro Sunday din bondh thakibo koishe. Hotels aro restaurants toh 50 per cent neum te kuliboli janaishe aro etu oper te Coaching centres, malls aro gyms neshina toh be 50 per cent neum jolaikena kuliboli manishe. Cinema halls, swimming pools aro entertainment parks neshina toh hokom para bondh thakiboli janaishe.