GUWAHATI: Morigaon district te Assam police para tin(3) manuh pithor ama aro bacha samil hoikena illegal kidney trade racket nemite thurishe. Khobor hesab te etu maiki aro tai logot samil thaka manuh khan para toh Dakshin Dharamtul bosti, Central Assam’s Morigaon district te illegal kidney kam kori thakishe. Tai para para manuh khan ke jodi bemar manuh ke kidney thishe koile poisa Rs 4-5 lakh bapo koikena promise korishe. Etu maiki laga agent toh Lilimai Bodo, Guwahati te thaka manuh ase koikena khobor paishe. Police para Bodo aro tai laga bacha aro dosura ek jun Ramen Medhi logot thurishe. Etu jun manuh para jowa moina tai laga kedney beka te kali Rs 50,000 thishe, hoilebi tai logot etu poisa para besi wala thiboli koikena thaka samai police para etu tin(3) jun manuh ke thurishe. Morigaon district Superintendent of Police (SP) Aparna Natarajan para koishe ke “Jagiroad police station te human trafficking sections pithor te case registered korishe. Etu maiki toh itya police laga hath te ase aro investigation jai ase aro etu samai ami khan para etu kam nemite local agents ke thuriboli kori ase.” “ami khan para konuba details toh state authorisation committee logot share korishe aro organ transplantation nemite authority para organ transplantation kam toh maniboli ase,” tai para aro janaishe. Dakshin Dharamtul bosti te bohi thaka manuh khan toh besi wala farmers khan ase aro tai khan toh poverty line neji te ase. Morigaon district Superintendent of Police (SP) Aparna Natarajan para janaishe ke, 6 bosti neshina te etu kam te pasikena tai khan laga kidneys toh Kolkata-based organisation logot bekai ase koikena etu kbobor toh janaishe.
Assam police para kidney business te 3 jun thurishe
