GUWAHATI: Assam government para tea garden workers khan ke MGNREGS pithor te winter season te tea production komti howa samai employment thibo koikena janaishe. Khobor para koishe ke, Assam cabinet te meeting kora samai tea garden workers logot kam neshina pond excavation, road building aro dosura MGNREGS pithor te kam thiboli koishe. Daam laga tress neshina Agar, Som etc toh manuh laga economic benefit nemite planted koribo aro rural people, community ponds toh besi thakibo, koikena cabinet meeting te Chief Minister Himanta Biswa Sarma para chaired korikena fesla toh bonaishe. India pithor te Assam state para tea toh 55 per cent neshina olai ase aro etu samai 10 lakh tea workers khan organised sector te 850 estates neshina te kam kori ase. Brahmaputra aro Barak valleys osor tea ola jaga te 60 lakh manuh laga ghor ase aro etu oper te nejor laga lakhs neshina tea orchards toh tai khan para jolai ase. Non-permanent workers besi wala toh winter season samai kam nathaki, keli koile etu samai tea leaves olaboli kam natha hoi jai. Besi moina legal aro administrative tangles beche, Assam government para olop din akhe te 0 lakh tea plantation workers laga daily wage toh Rs 38 te othaishe. Etu poisa othai deya te Brahmaputra Valley, eastern Assam te tea workers khan puila Rs 167 pai thaka toh Rs 205 pai ase aro Barak Valley (southern Assam) te puila Rs 145 pai thaka khan ke Rs 183 te othai thishe koishe.
Assam tea workers ke MGNREGS pithor kam thibo
