July 15, 2021. Arunachal Pradesh laga Upper Siang district te Indian army trooper laga truck toh rangkang te kerikena 1 jun morishe aro 10 jun jokom paishe, etu pithor te 4 jun besi beya para jokom paishe koishe. Etu accident toh Wednesday pujur te army gari te 11 jun loikena district laga Tuting army camp, Migging transit camp te jai thaka samai howa ase, koikena official para janaishe. Etu truck toh Pango aro Tuting majot rasta 7.10 am samai bahar rasta te othi thaka samai hoishe, koikena Tuting Additional Deputy Commissioner (ADC) Starlie Jamoh para khobor toh janaishe. “Sikh Light Infantry Regiment laga jawan 1 jun spot te morishe aro dosura jawan khan toh jokom paishe, etu pithor te 4 jun toh besi serious te ase,” koikena army laga khobor hesab te janaishe. Etu 4 jun serious jawan toh army chopper paa loikena jaishe. 1 jun toh Assam’s Tinsukia district, Dinjan Army Base Hospital te admitted korishe aro dosura tin(3) jun toh Army Base Hospital, Guwahati te loikena jaishe, koikena Jamoh para khobor toh janaishe. 6 jun jawans kuan minor injuries hoishe, tai khan Tuting te by-road para loikena jaishe.
Arunachal accident te 1 Army jawan morishe
