July 18, 2021. Mizoram Kohhran Hruaitute Committee (MKHC), Mizoram te sobse tangor churches para COVID-19 second wave bemari toh state te pheli thaka rokabo nemite state pura te parthana thakiboli junaishe. Church leader para koishe ke, manuh sob para nejor ghor pithor Sunday din 7 pm para etu parthana toh Covid-19 bemari roki jaboli nemite parthana koriboli janaishe. Etu parthana nemite MKHC para Zarkawt Presbyterian Church building, Aizawl te parthana programme ekta organized korikena local cable televisions te thikabo koikena janaish Manuh khan sob para parthana programme te samil korikena nejor ghor pithor te eke samai koriboli koishe. Church leader para aro koishe ke, itya jai thaka Assam logot border jamila nemite aro Myanmar political crisis aro refugees nemite parthana subjects thakibo koishe. Etu samai, Mizorm hief minister Zoramthanga para koishe ke, church body para state pura te parthana organized kora te manuh sob para samil koriboli janaishe. “Mizoram state para parai dak bhal kam kori ase, ami khan laga doctors aro medical experts para be mon thikena kam kori ase, etu nemite besi tangor motob paikena ase, hoilebi Covid-19 bemari cases toh komti nahoikena ase,” koikena CM para janaishe. Tai aro koishe, “ami khan para nejor laga paap kam korikena thaka toh maaf mangkina etu bemari toh jodi hatiboli nemite parthana koriboli lage.” Saturday din Mizoram te 483 Covid19 cases thura te, melaikena itya state te 26,690 hoikena ase koishe. Itya dak te bemari para 120 manuh morikena ase. Mizoram te itya active cases toh 5,741 hoikena ase aro etu samai 20,829 manuh virus bemar para bhal hoikena ase koishe. Mizoram government para aro Aizawl Municipal Corporation (AMC) te July 18 darik para loikena 7 din nemite pura lockdown thakiboli janaishe. Etu pura lockdown toh July 24 darik rathi samai dak thakibo.
Mizoram jaga sob te church organisation para July 27 parthana janaishe
