GUWAHATI: Northeast India laga Premier biodiversity conservation organization Aaranyak para Dolamara aro Rongmongwe police stations, Karbi Anglong pithor te 12 bosti Defence Party (VDP) logot kethi kora saman thishe koishe. July 14 darik te sob melaikena 6 VDP teams te 17 manuh ke 17 pairs of shoes, 6 torch lights aro 17 umbrellas toh Horen Timung laga supervision pithor te thishe koikena office in-charge, Aaranyak para khobor toh janaishe. Etu event toh 6 bosti laga 12 VDP members aro Malasi, Bhato Gaon, Kakojan, Dolamara Bagan, Diring aro Kohora, samil thakishe koishe. July 15 darik te 6 teams laga Village Committee logot 6 torch lights aro 18 umbrellas toh Chitra Ranjan Borah, office in- charge laga supervision pithor te thishe aro etu samai group meeting thakina animal monitoring importance toh Senior Journalist & school teacher, Swapan Nath para manuh khan ke janai thishe. Etu samai village committee members khan para ahikena samil korishe. “etu saman deya laga sobse tangor kam toh village communities khan ke wildlife conservation aro animal movement toh saikena Kaziranga National Park te flood samai kam koriboli nemite ase,” koikena Aaranyak para statement te janaishe. Etu kam para jungle janwar ketai bosti pithor te aha samai Karbi Anglong bahar te bhal para saboli nemite ase koishe. Aaranyak para Arif Hussain, manager, Rhino Research & Conservation Division; Sourav Gupta, project officer, Herpetofauna Research & Conservation Division & Rowel Engti, field assistant, Tiger Research & Conservation Division, para saman toh thishe koishe.
Aaranyak para Village Defence Party logot field saman thishe
