July 18, 2021. Assam police para 6 jun education department officials ke Guwahati te sawal koribo nemite thurikena ase. Etu manuh khan para marks nemite cash scam suspect te thurishe. Saturday din police team para Kamrup Inspectorate of Schools laga office toh check korishe aro etu samai Class 10 students marks te cash scam connection te SEBA officials 4 jun aro dosura tui(2) jun manuh ke thurikena ase koishe. Police para Kamrup District Inspector of School (IS) Madhab Deka, SEBA Co-ordinator Phulpahi Nath, IS office-grade III employee Prashanta Das aro grade IV employee Sibeswar Kalita ke thurishe. SEBA officials para Higher Secondary Leaving Certificate Examination (HSLC) students logot cash loikena bhal marks deya nemite ase koishe. Checking kora samai, police para laptops, mobile phones aro documents toh Inspectorate of Schools laga office te paishe. Kamrup police para aro koishe ke, etu operation kora samai cash besi paishe. Class 10 (HSLC) and Class 12 (HS) board examinations toh state te scrapped korishe aro government para tuita(2) expert panels bonaikena examinations results toh junai thiboli fesla korikena ase. Etu tuita(2) panel para Class 10 aro 12 students laga evaluate report toh puila para submitted korikena ase koishe.
Marks-for-cash scam te school inspector, SEBA official thurishe
