July 18, 2021. Saturday din Agra jaga osor Kamla Nagar, Manappuram Finance branch te 6 jun armed manuh para 15 kilograms of gold aro Rs 5 lakh cash lotishe koishe. 6 jun manuh pithor te tui(2) jun ke toh police logot larai kora samai morishe. Police laga khobor hesab te 6 jun toh Manappuram Finance branch te 2 pm samai jaikena staff khan ke damki thikena 15 kilograms gold toh loikena jaishe, etu samai tai khan mask aro caps lakaina thaka nemite jeniboli parai nai koishe. ADG, Agra Zone, Rajeev Krishna para reporters logot koishe ke, 6 jun armed manuh toh pithor te ahikena staff ke thurishe aro 15 kilograms gold toh loikena jaishe. Tui(2) jun Manish Pandey aro Nirdosh Kumar, Firozabad jaga laga manuh ase, police logot larai kora samai moraishe, koikena IG, Agra, Naveen Arora para koishe. Etu samai police para 7.5 kilograms gold aro Rs 1.5 lakh cash toh tai jun laga hath para paishe. “police para CCTV footage toh loikena investigate soruh hoishe koishe. Khobor hesab te etu manuh khan toh Khandoli-Etmadpur rasta medical store te lukai thakishe, ketai police etu jaga ponchise, etu manuh khan para goole jolaishe, Arora para etu khobor toh janaishe. Etu samai police para be goole mara te Manish Pandey aro Nirdosh Kumar ke jokom korishe. Tai khan ke Khandoli CHC te elah nemite loikena jaishe, hoilebi police para tai jun ke be S N Medical College te jaboli koishe, hoilebi etu samai morikena ponchise,” tai aro janaishe. “dosura manuh khan ke aro pesari ase”, IG para koishe. Police team logot ADG, Agra Zone, Rajeev Krishna para etu incident nemite bhal kam kora nemite aro kamyaab powa te Rs 1 lakh cash prize thishe, Arora para aro koishe. Kamla Naga te Manappuram Gold Loan branch manager, Vijay Narwaria para koishe ke 6 jun manuh toh building pithor te ahishe aro tai khan para gold loan nemite hotishe, hoilebi olop thakai beche gunpoint te 15-16 kilograms gold aro Rs 5 lakh cash loikena jaishe koishe.
Add Comment