Delhi te 59 notun cases, 4 jun mora khobor

New Delhi: Saturday din Delhi  te 59 notun coronavirus cases thurishe, etu melaikena national capital te COVID-19 cases toh 14.35 lakh pongchise aro etu samai manuh mora toh 25,027 hoikena ase. 24 gonda samai te 4 jun morishe koikena, Delhi health department laga notun bulletin hesab te janaishe. 24 gonda pithor te 91 manuh bemar bhal hoishe koishe. National capital te COVID-19 positivity rate toh itya 0.08 percent te ase. Friday din Delhi te 66 cases thurishe aro 1 jun mora khobor oper te positive rate toh 0.09 per cent thakishe. Thursday din Delhi te 72 cases thurishe aro 1 jun morishe aro Wednesday din hotai din bemar cases toh 76 paishe aro tui(2) jun manuh mora khobor thakishe. Delhi government para health bulletin janai deya te 76,421 COVID-19 tests toh 24 gonda pithor te loishe. National Capital te bemar cases toh 14,35,478 hoikena ase etu oper te 14,09,830 bemar bhal hoikena hospital para discharged hoishe. Itya dak te active cases toh 621 pithor te 212 manuh toh isolation te ase.