July 19, 2021. Sikkim te 155 notun COVID-19 cases thura oper te aro tin(3) jun morishe koikena health department bulletin para janaishe. Etu notun cases melaikena Sikkim te caseload toh 23,392 te othikena ase. Sikkim te notun cases thura pithor te East Sikkim district para 64 cases, West Sikkim te 38 cases aro South Sikkim te 53 cases thurishe koishe. Itya Himalayan state te 2308 active cases hoikena ase koishe. Etu samai State te Covid-19 bemar para aro tin(3) jun mora te sob melaikena 324 manuh morikena ase. Sikkim te etu notun cases toh 931 samples test kora te thura ase aro Sikkim te notun cases laga positivity rate toh 16.6% te ase aro State te itya dak 20,498 manuh bemar bhal hoikena ase. Etu samai 262 coronavirus-positive manuh toh dosura jaga para aha ase. Sikkim te recovery rate toh itya 88.6 per cent te ase.
