July 19, 2021. Pasighat East MLA Kaling Moyong ke Arunachal Pradesh laga spokesperson junishe koishe. Adi Baane Kebang laga women aro youth wings para Moyong logot state government spokesperson junai nemite Arunachal Pradesh chief minister Pema Khandu ke kushi janaishe. Adi Baane Kebang, youth wing delegation ekta president Joluk Minung para loikena chief minister Khandu logot Moyong ke government spokesperson aro dosura tin(3) jun ke junai nemite besi kushi powa janaishe. Pasighat East BJP Mandal president, Asar Padun para be Moyong ke government spokesperson juna nemite dunyawad thishe. Padun para koishe ke, Moyong te juna toh hoile Pasighat East constituency nemite besi tangor nam ase. Pasighat East MLA Kaling Moyong para be aro chief minister ke notun kam kora nemite kushi janaishe. Etu samai Adi Bane Kebang laga women wing delegation, president Olen Megu Damin para loikena East Arunachal laga Lok Sabha MP, Tapir Gao osor te jaikena meeting kora janaishe. Etu meeting samai, Adi Baane Kebang women wing para MP logot koishe ke Adi ‘Kuyet’ laga traditional shawl toh re-introduce koriboli janaishe. Organisation laga women wing para Gao logot Anglo Abor Wars martyrs khanke central government level te saman koriboli koishe.
Pasighat East MLA Kaling Moyong ke Arunachal govt spokesperson junishe
