July 19, 2021. Meghalaya Police para tui(2) jun manuh kaun khan para Wednesday din East Jaintia Hills district, police reserve te bomb marishe etu connection te thurishe koishe. Etu tui(2) jun manuh ke toh Thursday din thurishe, etu manuh khan ke thura toh hoile banned Hynniewtrep National Liberation Council (HNLC) para etu hamla toh nam loikena thaka aha din te thura ase koishe. Etu thurikena thaka manuh laga nam toh janai thiboli ase. Wednesday din Meghalaya, East Jaintia Hills district police reserves camp te IED bomb para toh hamla kora ase koishe. Etu samai bomb para police personnel ek jun jokom paishe, hoilebi blast samai manuh laga jaan toh janai aro saman besi beya kori thishe koishe. Hynniewtrep National Liberation Council (HNLC) para etu hamala kora toh nam loishe aro janaishe ke, puila police para tai khan laga manuh ke morai deya nemite revenge lowa ase koishe.
East Jaintia Hills te IED bomb mara manuh thurishe
