Kohima, 19 July: Noklak Police para ICAR logote melikena Noklak laga 11 bosti te poultry farms bonaishe. Etu toh motto self reliant Noklak nemite aro district te youth laga energy channelize nemite ase.
Noklak Police para khobor janaideya te, ICAR para 2000 chickens motob korise aro 12 Self help groups (SHG para chickens received korise koise. Noklak police aro Noklak laga NGOs melishe ICAR logote pura program nemite aro TRPO president Mr. Hangthing aro KMH president Ms. Newkai para tusara logistics aro distribution arrangements te motob korise.
SP Noklak, Dr. Pritpal kaur IPS para Youth toh ami khan mathi laga future ase koise aro employment opportunities komti hoise koilebe entrepreneurship laga path lowa toh phal jevaan nemite ekta ektum phal option ase koise.
Dr Kaur para be besi youth kon tai khan laga SHGs entrepreneurship nemite suru korise tai khan ke poultry farms khulibole nemite chickens deshe koise aro youth toh program nemite excite ase koise.
Tai para be district te drugs laga dekthari aro tusara beya habits othi thaka toh youth aro society te joldi kushibo pari koise judi tai khan laga energy toh thek samai te thek direction te channelized nahoile koise. Etu para suru te thek rasta dekhaideya para phal aro skilled human resource bonabo nemite motob hobo aro etu para ami khan laga society besi developed hobo koise. Etu para self reliant aro self sufficient Noklak hobole lead koribo koise.
Noklak farmers ke basmati jawal laga bejon toh lakabole enemite Noklak Police para KVK Tuensang logote melikena deshe.
SP para etu sal Nagaland laga besi phak jaga te paarish komti howa dekhise koise. Etu para farmer khan water harvesting aro thek para paani jolabole nemite samjaishe.
Aro tai para be COVID-19 lockdown nemite seeds deya te deri howa thakise koise. Etu nemtie farmers ke innovative nursery heka thakise aro etu toh tui hapta te othabole paribo koise.
Add Comment