New Mexico para July 19 toh ‘Dr. Jonathan Iralu Day’ hisab te declare korise

Kohima, 19 July: United States Secretary of State – Maggie Toulouse Oliver and New Mexico state Governor – Michelle Lujan Grisham para July 19, 2021 toh State of New Mexico te “Dr. Jonathan Iralu Day” hisab te declare korise kelay koile COVID-19 pandemic samai te tai laga invaluable service nemite. Infectious Diseases te Specialized, Dr. Iralu toh Gallup Indian Medical Center, New Mexico te 1994 samai para kaam kori thakise.

Janaideya te Dr Iralu toh tai laga community nemite invaluable advocate thakise aro Medical Advisory Team aro State te dangor serice deshe koise. Etu nemite Michelle Lujan Grisham, Governor of the State of New Mexico para July 19, 2021 toh ‘Dr Jonathan Iralu Day” hisab te declare korise.

Chief Minister of Nagaland Neiphiu Rio para Dr. Iralu ke congratulate korikena State of New Mexico Exec. Office, Santa Fe, New Mexico para July 19, 2021 as “Dr. Jonathan Iralu Day” nemite janaideya janikena kushi ase koise.

Rio para tweet te ‘Dr. Jonathan Vilasier Iralu toh Khonoma village para ekta 3^rd generation doctor ase koise. Tai para Nagaland laga man uke proud bonaishe koise.

Dr. Iralu toh pandemic suru samai para New Mexico laga manu bachabo nemite measures loikena proactive thakise aro New Mexico te first confirmed COVID-19 case napowa agae hapta phali COVID testing para drive bona thakise koise.