US para India ke Travel Advisory komti korishe

Washington: United States para India ke travel advisory bhal kori thishe, sobse besi Level 4 toh ektem napiraboli laga para Level 3 te lamishe aro etu level te manuh khan para peraboli paribo koishe. Pakistan nemite te be Level 4 para  Level 3 te lamaishe koikena janaishe. India aro Pakistan nemite travel advisories komti kori deya toh Monday din State Department para etu tuita(3) jaga te COVID-19 bemari komti howa nemite ase koikena janaishe. Centers for Disease Control & Prevention (CDC) para Level 3 Travel Health Notice toh India te COVID-19 bemar toh desh te bemari rate neji kera nemite ase, koikena Monday din te State Department para janaishe. “jodi tumi khan para COVID-19 bemar aro symptoms toh komti koriboli parile aro full vaccine loikena thaka toh FDA authorised vaccine logot janai thiboli koishe. International travel plan nakora akhe te, morom para CDC”s specific recommendations toh vaccine loikena thaka aro naloikena thaka travellers logot janai thiboli lage,” koishe. Sobse notun travel advisory toh May 5 darik te issued kora te India ke Level 4 category te rakikena ase. Jowa moina advisory issue kora samai, India toh second wave bemari logot besi larai kori thakishe, etu samai ek din te coronavirus bemar toh 3,00,000 oper thuri thakishe. Hospitals te medical oxygen aro beds toh komti hoi thakishe. CDC para Pakistan logot Level 2 Travel Health Notice issue korishe, keli koile etu jaga te COVID-19 moderate level toh komti howa nemite aro US citizens ke terrorism nemite Level 3 risk junai thishe. “Pakistan te terrorism aro sectarian larai hoi thaka nemite travel toh aro putli korishe aro Pakistan te COVID-19 nemite hoshari janaikena thakishe. Konuba jaga te risk toh besi othishe. Travel Advisory toh puribe,” koikena State Department para janaishe.