Mumbai te ghor kera te 24 jun morishe

July 19, 2021. Mumbai te rati pura paani besi pura nemite landslides hoikena komti hoilebi 24 manuh morikena ase koishe. City te jaga sob te paani jama kora thikishe aro local train services toh gari traffic toh paani besi kera nemite disturb hoikena ase koishe. Mumbai’s Mahul jaga, Bharatnagar Vashi Naka osor te landslide para compound wall kerai deya nemite 10 jun oper manuh morishe. Etu jaga laga retaining wall toh 1 am kera nemite tui(2) jun manuh jokom paikena osor Rajawadi hospital te loikena jaishe, etu beche elaj korikena discharged hoishe. 5 shanties kera te komti hoilebi 5 hutment dwellers morishe, Mumbai’s Vikhroli suburb te 2.30 am samai rati pura paani kera nemite mora ase, koikena civic official para khobor toh janaishe. Tui(2) jun manuh jokom paikena osor hospital te elaj nemite loikena jaishe. Sunday pujur samai Mumbai laga alag-alag jaga te rati pura paani kera nemite city te paani jama hoishe aro local train services aro gari traffic disturb thakishe. IMD para Mumbai te paani besi pura nemite red alert junaikena ase, koikena BMC para khobor toh koishe. Financial capital te Central Railway aro Western Railway te be suburban train services toh paani besi jama hoikena thaka nemite suspended korikena ase, etu khobor toh railway officials para janaishe.