July 21, 2021. Congress, Shiv Sena, Aam Aadmi Party (AAP) aro Shiromani Akali Dal (SAD) party toh Prime Minister Narendra Modi para tuita(2) house te MPs logot Covid presentation thaka samai samil nakoriboli janaishe. Parliamentary Affairs Minister Prahlad Joshi para Saturday din te junaikena ase ke, PM Modi para Parlaiment House Annexe te bemari nemite session boholi koishe. Congress para janaishe ke, etu kam nemite Parliament te MPs khan 1st kotha koribli lage. “jodi PM Modi para Covid nemite presentation thiboli mon hoishe koile, tai para Central Hall te Rajya Sabha members aro MPs logot alag-alag janai thiboli lage koishe. MPs khan ke nejor constituencies te Covid-related issues oth kotha koboli thibo lage,” koikena Rajya Sabha te Opposition leader, Congress laga Mallikarjun Kharge para koishe. Kharge para janaishe ke, etu boycott kora nahoi. SAD para kowa toh farmers khan para Central legislation te protest kori thaka khan toh meeting te samil nakoriboli janaishe. “aji Shiromani Akali Dal para MP Modi laga COVID-19 briefing samai boycott koribo. Tai khan para janaishe ke, jodi farm issues toh puila meeting korile he tai khan jabo,” koikena party chief Sukhbir Singh Badal para etu kotha toh janaishe. Etu kotha toh hesab nakora laga ase kowa te CPI(M) General Secretary Sitaram Yechury para koishe ke, government para ke kotha koriboli mon ase etu kotha toh Parliament pithor te koboli lage koishe. Trinamool Congress Derek O’Brien para koishe ke, “MPs khan PM laga hath para COVID-19 nemite PowerPoint presentations nalaki nahoile conference room te, hoilebi government para Parliament session te House laga floor te ahikena kotha koribo lage.” Rajya Sabha te Shiv Sena MP Sanjay Raut para koishe ke, “ami khan laga sawal toh centre logot ase, keli tumi khan data toh lokai ase? COVID bemar para keman jun morikena ase. Government hesab kora logot toh khobor para besi wala manuh morikena ase koishe.
Add Comment