July 23, 2021. Friday din Jammu & Kashmir police para drone ekta te explosive device (IED) saman 5 kg bokina jai thaka samai jammu district border te marikena keraishe koishe. Thursday rathi Kanachak International Border (IB) osor te drone perai thaka khobor honikena police laga quick reaction team (QRT) laga anti-drone strategy para marikena keraishe koishe. Etu drone toh border pithor 7-8 km thakishe aro 6 tangor wings aro tetra-copter thakishe koishe. IED saman toh drone te bantikena IED jaboli thaka ase, koikena police para janaishe. Etu dorne toh olop din akhe Air Force station Jammu te twin drone para hamla kora beche ase, etu hamla kora samai tuita(2) officials jokom paishe koishe. Etu case toh NIA para sai ase koishe. Jammu te UAVs incidents toh locals aro security officials logot khobor besi paikena ase koishe. Jammu & Kashmir DGP Dilbag Singh para officers khan logot pithor manuh khann para terrorist kam koriboli kora samai drones oper te besi alert thakiboli janaishe. Security officials khan logot suspects thakile kam toh saikena koriboli janaishe. Terror outfits khan para UT te terrorist kam toh drones para kori thaka toh saboli janaishe. Dosura khobor ekta te be tuita(2) terrorists militants khan ke Sopore jaga Jammu & Kashmir’s Baramulla district te larai kora samai moraishe koishe. Sopore laga Warpora jaga te pithor manuh bohi thaka janikena security forces para jaga toh bondh korikena operation loishe koishe. Ghor-ghor te checking korikena jowa samai, terrorist thaka jaga te jaikena tai khan logot surrender koriboli koishe. Holibe, etu search operation samai tai khan para kotha namanikena terrorists khan para security forces logot goole joilaishe aro etu para larai oliakena mara-mari kora samai tui(2) jun terrorist toh etu operation samai morishe koishe. Etu saal soruh samai para loikena itya dak te security forces khan para 80 neshina militants khan ke marikena ase koishe.
J&K: Police para Drone te 5kg IED mari keraishe
