JAMMU: Saturday din Jammu & Kashmir Bandipora district te tuita(2) unidentified militants ke moraishe aro etu samai tinta(3) sepai khan jokom paishe, koikena officials para khobor toh janaishe. Security forces para etu jaga toh bondh korikena search operation kora samai Sumblar area Bandipora north Kashmir, Shokbaba jungle te militants bohi thaka khobor powa nemite operation loishe koishe. Offcials para koishe ke, Security forces khan para etu jaga te search operation kora samai militants khan para goole marishe. Etu nemite security forces khan para be jawab deya te tuita(2) militants morishe, koikena khobor toh janaishe. Tinta(3) soldiers khan be etu samai mara-mari kora te jokom paishe, koikena offcials para janaishe aro tai khan ke medical elaj nemite loikena jaishe koishe. Etu militants khan laga Identity aro group affiliation toh janiboli parai nai koikena offcials para janaishe aro etu nemite operation nemite khobor loi thakishe. Etu hafta etu jaga te besi encounters hoishe, ek din akhe te tuita(2) Lashkar-e-Taiba (LeT) terrorists khan ke Warpora bosti, Sopore, Baramulla te Friday din moraishe. Police para etu samai incriminating saman oper te arms aro ammunition thurishe, koikena Kashmir Zone Police para janaishe. Monday din te top Lashkar-e-Taiba terrorist aro dosura militants ke security forces para Jammu & Kashmir’s Shopian jaga te moraishe koishe.
J&K: Bandipora te tuita(2) terrorists moraishe
