Aizawl: Friday din Mizoram government para Aizawl Municipal Corporation (AMC) jaga te total lockdown janaishe aro COVID-19 restrictions toh state laga konuba jaga te July 31 darik dak bemari phela nemite othaishe, koikena offcials para janaishe. Itya samai laga total lockdown toh Saturday din te kotom hoboli thaka ase koishe. State government para offcials khobor te koishe ke, itya laga COVID-19 positive bemari rate toh besi hoshari kam kori thakile be “besi oper te jai ase” koikena janaishe. “itya samai laga restriction toh coronavirus rokaboli nemite hoshari kam kori ase aro etu samai mass testing toh health and family welfare department para kam korikena jai ase,” koikena janaishe. Lockdown aro dosura restrictions toh State laga dosura jaga te be deputy commissioners para bemari halat toh saikena othaikena ase, koikena khobor para janaishe. Essential services neshina water aro electricity supply, healthcare, vaccination aro LPG distribution toh normal te kam koribo. Dukan sob AMC jaga te thakai toh bondh koribo, hoilebi essential commodities toh kula thakibo koikena janaishe. Hoilebi etu samai AMC jaga te travel aro saman transportation gari nemite restriction nathakibo koishe. Etu samai Friday din Mizoram te 847 notun COVID-19 cases khobor paishe aro etu jowa saal March moina beche ek din pithor laga sobse besi cases ase, koikena helath department para janaishe. Itya state te 30,492 cases pithor te 7,559 active cases ase. Itya dak te 22,802 manuh khan bemar bhal hoiken ase aro Friday din te 185 manuh bemar bhal hoishe. Itya dak te bemari para 131 manuh morikena ase koishe. State Immunisation Officer Lalzawmi para khobor janaishe ke, State te itya dak te 6.16 lakh oper manuh ke Covid-19 vaccine thikena ase koishe.
Mizoram: Municipal Corporation te lockdown July 31 dak aro othaishe
