July 25, 2021. Sunday din Jammu & Kashmir’s Kulgam district te security forces logot larai kora samai 1 jun terrorist morishe koikena khobor paishe. Jammu & Kashmir Police laga khobor hesab te, etu larai toh Munand jaga Kulgam te howa ase. Police aro security forces para tai khan laga kam kori ase, etu samai dosura khobor toh roki thakishe koishe. Terrorists aro security forces pithor te larai ola toh police aro army team para etu jaga toh bondh korikena konuba terrorist khan bohi thaka khobor powa nemite search operation samai larai toh olaishe. Security forces jaga toh pongchina thaka samai terrorist khan etu jaga te lokaina thaka para toh goole mara soruh korishe aro etu beche larai soruh howa ase koishe. Saturday din te, komti hoilebi unidentified terrorists tin(3) jun ke Shokbaba Sumlar-Aragam jag Bandipora, Jammu & Kashmir laga jungle te security forces khan para morishe. Security operation kora toh hoile police logot konuba khobor paikena terrorists khan toh Bandipora jungle te loikena thaka samai larai kora te mora ase koishe. Etu khobor powa nemite Bandipora Police, 13RR, 14RR, Para (SF), MARCOS aro CRPF melaikena jaga toh bondh korikena search operation soruh korishe koishe.
Add Comment