July 26, 2021. Sikkim chief minister PS Golay para koishe ke, state te COVID-19 halat toh control te ase aro ‘eku phui’ koriboli nalaki koikena janaishe. CM Golay para etu statement toh Saturday din shillong te union home minister Amit Shah logot meeting kora beche janaishe. “eku phui koriboli nai. Ami khan ke second wave para challenged korilebi, saboli parishe,” koikena Sikkim chief minister PS Golay para janaishe. Khobor hesab te, etu statement Sikkim CM para kowa toh Himalayan State te coronavirus bemari positive rate toh 10 percent oper otha beche ase koishe. Saturday din dak Sikkim te COVID-19 active cases toh 2849 thurishe, etu samai Sikkim te Saturday din te aro positivity rate toh 11.4 percent thakishe aro state te bemari bhal howa rate toh 87 percent thakishe koikena khobor para janaishe. Itya dak Sikkim te COVID-19 bemari para 330 jun morikena ase.
Sikkim: CM PS Golay para COVID-19 halat jenta nai koishe
