Bandipora (Jammu and Kashmir): Jammu & Kashmir’s Bandipora district te security forces para tinta(3) terrorists ke moraishe aro etu manuh khan toh terror outfit Lashkar-e-Taiba (LeT) laga members khan ase koishe. Kashmir Zone Inspector General Vijay Kumar para janaishe ke, “etu tinta(3) terrorists toh Bandipora te jowa kali marishe koishe, etu manuh pithor 1 jun toh Pakistan para Wagha border, Amritsar para 2018 saal aha ase koishe aro tin(3) jun mora toh Lashkar-e-Taiba laga members khan ase,” koikena janaishe. “ami khan logot khobor powa hesab te konuba terrorists toh Bandipora’s Shokbaba jungle te ase koishe, etu nemite army khan para etu jaga toh bondh korikena seacrh operation soruh hoishe. Ami khan para search operation kora samai terrorist khan para goole mara te jawan ekta jokom paishe,” koikena tai para janaishe. “etu tinta(3) terrorists ke morai thishe aro etu oper te local LeT terrorist Shakir be samil thakishe. Ami khan para itya aro 2-3 terrorists etu jaga te thaka toh pesari ase,” koikena tai para janaishe.
Jokom powa jawan laga khobor update kora te, IG Kumar para tai toh bhal wala ase koikena janaishe. Shokbaba forest te security forces aro terrorists larai kora te tinta(3) terrorists ke moraishe koishe. 24 gonda pithor te police aro armed forces para Jammu & Kashmir pithor Bandipora aro Kulgam jaga te 2 encounters korishe koishe. Etu samai Defence officials para koishe ke, tinta(3) jawans operation samai jokom powa nahoikena kali 1 jun he jokom paishe koikena khobor toh janaishe.
Add Comment