Lok Sabha te tuita(2) Bills Passed korishe

New Delhi: Monday din Lok Sabha te Factoring Amendment Bill aro National Institute of Food Technology Bill toh passed korishe koishe. Factoring Regulation (Amendment) Bill, 2020 passed kora te Finance Minister Nirmala Sitharaman para koishe ke, legislation putli kora toh MSME sector te faita hobo nemite ase. Factoring law bona toh hoile UK Sinha Committee laga recommendations hesab te ase koishe. Tai para aro koishe, jowa saal bill toh Standing Committee para scrutinized kora beche government para manishe. Etu bill toh Lok Sabha te eku jamila nathikena manishe. Etu bill bona te micro, small & medium enterprises (MSMEs) te faita pabo aro etu para credit facility aro Trade Receivables Discounting System te motob koribo koishe. Factoring Regulation Act, 2011 bona toh hoile factors, registration of factors, factoring business aro parties laga rights & obligations te contract bapo koishe. Etu bill para factoring business samai parties laga scope toh tangor korikena jabo koishe. Factoring Regulation (Amendment) Bill, 2020 toh Lok Sabha  te September 24, 2020 saal te introduced korishe aro etu Act toh RBI te tangor regulatory/oversight mechanism nemite ase. Etu beche Lok Sabha para National Institutes of Food Technology, Entrepreneurship and Management Bill, 2021 be manishe koishe. Etu bill toh notun Food Processing Industries Minister Pashupati Kumar Paras para mani thishe. Bill para konuba institutions of food technology, entrepreneurship aro management te besi tangor instructions & research line te motob bapoli koishe. Etu bill toh Rajya Sabha  te March moina passed hoikena thaka ase. Etu tuita(2) bill passed kora beche Rama Devi para aji nemite Lower House te chuti korishe.