Bacha nemite Covid vaccine toh August moina para soruh

New Delhi: Prime Minister Narendra Modi para parliament te meeting samai BJP MPs logot koishe ke, bacha nemite vaccine toh aha moina para deya soruh koriboli janaishe. Union Health Minister Mansukh Mandaviya para koishe ke, parliamentary party te BJP’s logot meeting te janaishe ke, government para aha moina bacha ke vaccine thibo, koikena khobor para janaishe. Experts khan laga kotha hesab te etu kam toh virus pheli thaka rokabo aro desh pura te schools kulibo koishe. Etu moina olop din akhe Dr NK Arora kaun Vaccines laga National Expert Group head ase tai para NDTV logot koishe ke, bacha khan nemite vaccine deya toh September moina para Zydus vaccine soruh hobo aro etu umer 12 para 18 dak logot thibo. Bharat Biotech’s Covaxin aro Zydus Cadila’s candidate toh itya bacha logot testing kori ase. Covaxin trials toh September moina te result olabo, koikena AIIMS chief Randeep Guleria para koishe. Dr Guleria para be koishe ke, bacha khan nemite vaccine toh September moina te soruh koribo. Itya India te 44 crore vaccine doses thikena  ase. Government laga bapana toh etu saal dak te jawan sob logot vaccine thiboli ase. European medicines watchdog para bacha nemite Moderna’s coronavirus vaccine toh 12 umer para 17 dak nemite manikena ase. May moina te US para Pfizer-BioNTech Covid-19 vaccine toh bacha 12 umer para 15 umer dak nemite jolaboli hokom thikena ase.