July 28, 2021: Aji Home Ministry para senior Assam aro Mizoram officials laga chief secretaries and DGPs (Director General of Police) logot meeting korikena states border te jamila olaikena moday din 6 jun policemen mora aro civilian 1 jun mora aro 50 manuh oper jokom powa nemite kotha koribo koishe. Home Ministry Secretary Ajay Bhalla para meeting toh chair koribo aro border te jamila kora laga kotha kobo. Etu meeting te besas ase ke 1st samai Assam-Mizoram border te shanty anibo nemite ase. Centre para koishe ke, State majot te border jamila toh kali mel-melab thakina goverenment para saboli lage koishe. Etu jamila toh 7 neshina ase aro Assam toh 4 te samil ase, etu oper te Mizoram toh northeast state te jamila toh Arunachal Pradesh, Nagaland aro Meghalaya logot ase. Assam’s Barak Valley laga tinta(3) districts- Cachar, Karimganj aro Hailakandi para Mizoram laga Aizawl, Kolasib aro Mamit jaga logot 164 km border share korikena ase. Assam Barak Valley jaga te pujur para sham dak bandh hoikena ase aro Barak Democratic Front (a local political outfit) manuh para border te jamila kotom koriboli koi ase. Monday din etu jaga te larai hoikena tuita(2) jaga para be ek jun- ek-jun logot putnam kori ase. Assam para Mizoram ke putan kora te, tai khan para Lailapur forest te rasta bonaishe aro army camp othaishe. Khobor hesab te security personnel khan ke etu jaga te Mizoram police para hamla korishe koishe. Mizoram para putnam kora te jamila ola toh Assam Police khan para border pithor te ahikena Kolasib te police post beya korishe aro etu oper te gari beya korikena police logot goole mamrishe koishe. Assam’s 6th Police Battalion laga sepia ek jun etu samai jokom paishe aro pujur te morishe, koikena Chief Minister Himanta Biswa Sarma para khobor toh janaishe, etu melaikena 7 jun morishe koishe. Home Minister Amit Shah aro tuita(2) states laga chief ministers para kowa beche etu jaga te larai rokina ase. Etu larai ola toh Mr Shah para 8 northeastern chief minsters Ministers khan logot Shillong te lok korikena tui(2) din beche jamila toh ola ase koishe. Etu jaga te CRPF (Central Reserve Police Force) khan ahikena ase aro 5 companies (sob melaikena 500 troops) neshina Assam aro Mizoram police osor te ase. Aro tui(2) companies toh ahiboli tayaar te rakina ase koishe. Assam Congress delegation para border osor te visit koriboli ase.
Centre para Assam, Mizoram Officials lok koribo
