GUWAHATI: Tuesday din Assam chief minister Himanta Biswa Sarma para junaishe ke, kaun Assam Police personnel Mizoram Police aro goons para hamla kora te morishe, etu police laga ghor manuh khan logot Rs 50 lakh thiboli koishe. Etu samai 5 Assam Police personnel morishe aro 50 dosura manuh jokom paishe, Mizoram Police aro goons para hamla korishe. Tuesday din Chief minister Sarma para Assam Police personnel kaun etu hamla, Silchar, Cachar distric headquarters te morishe, tai khan ke saman korishe. Chief Minister para jokom powa manuh ke be visited korishe, tai khan toh Silchar Medical College Hospital (SMCH) te medical elaj kori ase koishe. Tai para aro Silchar te law & order halat toh saishe koishe. Chief minister Sarma para jokom powa manuh khan logot Rs 1 lakh thiboli janaishe. Silchar te Assam police personnel mora khan ke saman kora samai video share kora te, chief minister Sarma para koishe ke, “aji Silchar te mora manuh khan logot saman kori ase aro etu kotha toh janaiase ke, Assam government para mora manuh laga ghor manuh logot Rs 50 lakh thibo aro ghor manuh ekta ke job thibo aro jokom paikena thaka khan ke Rs 1 lakh thibo.” Tai para aro koishe ke, Assam Police personnel kaun Mizoran osor te duty kori ase, tai khan nemite hotai moina salary extra bapo. Chief minister Sarma para aro koishe ke, Assam government para 3 commando battalions toh Karimganj, Cachar aro Hailakandi te rakibo aro 3,000 personnel neshina kam te lobo. Sarma para koishe ke, Assam government para Supreme Court logot etu mathi jamila thaka toh saboli janai thibo” koishe.
Assam CM: Mora sepai ke Rs 50 lakh compensation
