SHILONG: Meghalaya te sobse tangor apex students’ body Khasi Students’ Union (KSU) para Sohra hills te Assam Rifles para tree plantation kora toh kelaaf korishe. Shah para ‘Sohra Afforestation Project’ toh Assam Rifles aro Meghalaya Government logot melikena kora ase koishe. Etu project pithor te, plantations toh tin(3) saal pithor te kotom hobo aro maintenance support toh 5 saal nemite thakibo. Amit Shah para koishe ke, etu project laga kam toh Sohra jaga toh aro green bonabo nemite ase koishe. Shah para koishe ke, Sohra jaga pura toh Assam Rifles para plantation korikena jaboli ase koishe. Etu kam oper te KSU para koishe ke, “Khasi Students’ Union, Sohra Circle para indigenous manuh laga mathi toh pachaina rakibo etu nemite dosura bahar manuh khan ahikena nejor laga mathi loboli naparibo.” “Union para local headmen, dorbar shnong aro local representatives logot koishe ke, army regiments nahoile bahar manuh logot mathi thiboli mana koriboli janaishe,” koikena KSU para statement te janaishe. “ami khan laga side para, besi bhal para janaishe ke union minister para Sohra hills toh Assam Rifles logot aro green bonaboli thishe kowa statement toh thik nai aro etu para Assam Rifles khan Sohra jaga toh loboli bapana te ase,” koikena statement te janaishe.
Khasi Students’ Union para Sohra hills te Assam Rifles ke kelaaf
