Kerala Minister aro Ex-MLAs trial loboli ase

New Delhi:  Kerala’s ruling CPM members aro V Sivankutty, Education & Labour Minister aro KT Jaleel, former Higher Education Minister toh 2015 saal te state Assembly te protest kora samai furniture beya kora nemite case trail hoboli ase koikena Wednesday din Supreme Court para janaishe. Court para political leaders logot tangor kam ekta kora te koishe ke, legislators laga privilege aro immunity toh criminal law te najaribo’, aro etu legislators khan para office te junibo nemite Indian voters laga trust toh beya koribo naparibo. MPs aro MLAs khan para Constitution of India te subscribe korikena besas hobo laki. Public property beya kora toh freedom of speech te nai. “etu tuita(2) bench laga Justices DY Chandrachud aro MR Shah para khobor toh janaishe. “Kerala government’s appeals te merit nai,” koikena court para aro janaishe. Etu kotha toh Kerala government para leaders oper te cases toh withdraw koriboli kowa te jawab deya ase. Top court toh legislators laga neum saikena kushi powa nai, etu nemite tai khan toh House te jamila kora nemite saboli ase koishe. High Court para etu cases toh withdraw  nakoribo kowa beche Kerala government para para Supreme Court te jaishe. Mr Sivankutty, Mr Jaleel aro 4 jun ex-MLAs toh etu samai opposition te thakishe, tai khan para Assembly  pithor te broke furniture aro microphones beya korishe. Etu oper te Speaker laga chair osor te jaikena presiding officer laga computers toh be beya korishe koishe. Finance Minister KM Mani toh be bribery charges pithor te budget janaishe. Etu case te ex-MLAs khan toh EP Jayarajan, K Ajith, CK Sadasivan aro K Kunjammed thakishe koishe.