July 28, 2021: Tuesday din Srinagar laga jaga Bulbul Lanker Nawakadal, Jammu & Kashmir te terrorists para ek jun civilian logot goole marikena morishe koishe. Etu samai goole marai logot osor hospital te loikena jaishe, hoilebi etu hamla para tai pachainai. Etu nemite alag-alag section pithor te case registered korikena ase, koikena Jammu & Kashmir Police para khobor toh janaishe aro etu hamla kora manuh ke pesari ase koishe. July 23 darik te be etu neshina incident ekta howa te, 1 jun civilian Javeed Ahmad Malik koikena tai toh Tral, Lurgam village para ase aro tai oper te nejana manuh khan para bantok para goole marai te Malik te joldi SDH Tral te medical elaj nemite loikena jaishe, hoilebi hospital poncha samai doctors khan para morishe koikena janaishe. Etu beche hamal kora manuh ke thuriboli nemite security forces para search operation korishe. Etu incident laga kotha kora te, Kashmir Zone Police para koishe ke, “terrorists para goole toh civilian Javeed Ah Malik oper te tai ghor osor Larugam Tral, Awantipora te para marishe, etu goole laga jokom powa nemite tai motrishe koishe.
Add Comment