Asian Para Games deh Sandeep Chaudhary pora gold jetise

Agencies, 08 October: Monday din Asian Para Games deh India laga Javelin thrower Sandeep Chaudhary pora first gold medal jetise. Tai men’s F42-44/61-64 category deh top pora kothom howah thakise. Sandeep toh tin par kosish kora deh 60.01m phelai kena top loi-lowah thakise. Silver medal toh Sri Lanka’s Chaminda Sampath Hetti pora lowah thakise. Tai 59.32m mara thakise. Aro bronze medal toh Iran’s Omidi Ali pora lowah thakise. Tai 58.97m mara thakise. 49kg men’s powerlifting event deh  pora silver loise aro Paramjeet Kumar pora bronze loise. S-10 category laga Women’s 100 metre butterfly deh swimmer Devanshi Satija pora silver loise aro SM-7 category laga 200 metre individual  mixed deh Suyash Jadhav pora bronze loise.