July 30, 2021. Thursday din Assam’s noted progressive writer aro social activist Dr Anima Guha toh Thursday din morishe. Litterateur Guha toh Arya Hospital te 3.20 pm samai morishe aro tai toh 89 umer samai jaishe. Dr Guha toh saas loboli dukh hoikena hospital te admitted korishe. Tai toh Ulubari jaga para ase aro prominent historian, late Dr Amalendu Guha laga maiki thaka ase. Dr Guha toh Nirjaton Birodhi Aikya Manch, Assam laga former president thakishe. Dr Guha para ketab lika toh “Tritiya Bishwabashinir Drishtit Naree Aaru Samaj”, “Manuh Chitrashalat”, “Emuthi Abhigyata”, “Xutar Biparite”, “Neel Akaxar Talat” aro “Bipanna Prajati” ase. Tai para nejor autobiography toh tuita(2) parts te lekishe aro nam toh “Jibanar Jowar-Bhatar Majedi” aro “Bakisowa Jiban” aro etu tuita kitab toh amazon.com te paijabo koishe. Assam chief minister Himanta Biswa Sarma para Dr Guha mora oper te mon duhk howa janaishe. Chief minister para tai laga mon dukh khobor te koishe ke, Dr Anima Guha mori jowa toh Assam laga sobse bhal litterateur etu duniyaa jarikena jaishe. Chief minister para Dr Guha logot shanty thakiboli koishe aro tai laga ghor manuh logot be mon dukh howa janaishe. Well-wishers aro alag-alag organizations khan para be Dr Guha mora nemite saman korishe.
