Agencies, 08 October: World Wrestling Championships nemide India laga gara 30-member team logode Olympic medallist Sakshi Malik aro Asian Games gold medallist Bajrang Punia pora lead koribole ase. Etu Champion ship toh October 20 pora 28 tak Budapest, Hungary deh thakibole ase. Wrestling Federation of India (WFI) pora free-style, greco-roman aro women’s wrestling categories deh 10 members each junise. Women’s wrestling deh India karni Bajrang (65kg), Sakshi (62kg) aro Commonwealth Games gold Pooja Dhanda (57kg) medallist thakibole ase. Freestyle team laga coach nemide Jagminder Singh thakibole ase aro women’s team deh Kuldeep Malik pora charge koribole ase. 30 wrestlers ke chari kena Indian contingent logode be coaches, physio, masseur aro referees melikena 17 officials ase. Tuesday morning deh team khan toh Budapest deh jabole ase. Tati tai khan main event laga agae deh pre-tournament thakibole ase. Freestyle laga team khan toh Sandeep Tomar (57kg), Sonba Tanaji Gongane (61kg), Bajrang Punia (65kg), Pankaj Rana (70kg), Jitender (74kg), Sachin Rathi (79kg), Pawan Kumar (86kg), Deepak (92kg) Mausam Khatri (97kg), Sumit (125kg) aro Jagminder Singh (Chief Coach) ase.
Add Comment