J & K: Samba district te Pakistani drones perai-thaka thurishe

Jammu: Jammu & Kashmir laga Samba district te alag-alag tinta(3) jaga te suspected Pakistani drones perai thaka thurishe koishe. Etu drones toh Bari-Brahmana, Chiladya aro Gagwal jaga te Thursday din 8.30 pm samai perai thaka thikishe, koikena offcials para janaishe. Etu perai thaka toh ek hafta thaka beche police para Pakistani drone te 5 kg Improvised Explosive Device (IED) loikena Kanachak osor Jammu border te jai thaka samai marikena kerai thishe koishe. Offcials para koishe ke, Border Security Force (BSF) personnel para Chiladya jaga te drones oper te goole mara te Pakistan laga side te korai jaishe koishe. Dosura tuita(2) drones toh akaas te olop thaka beche hari-jaishe, etu toh Bari Brahmana aro Jammu-Pathankot highway, Gagwal te thakishe, koikena offcials para janaishe. Police aro dosura security forces khan etu jaga te jaikena pesarii thakishe, offcials para janaishe aro dosura khobor toh roki thakishe.