Kerala te Small-Scale Traders aro Farmers nemite 5,650 Crore juanishe

Thiruvananthapuram: Friday din Kerala government para state economy aro puila neshina othaboli nemite financial package 5,000 crore junaishe. State te economy toh COVID-19 bemari nemite besi neji kerikena ase. Finance Minister K N Balagopal para financial package 5,650 crore toh state Assembly te junaishe aro etu para state laga small-scale traders aro farmers khan ke motob koribo koishe. “etu package para state te small-scale traders aro farmers kaun khan bemari samai duhk hoikena ase tai khan ke motob nemite ase,” koikena Mr Balagopal para media logot koishe. Tai para aro koishe ke, government para subsidised loans aro notun loan schemes toh Kerala Financial Corporation (KFC) aro Kerala State Financial Enterprises (KSFE) pithor te fesla loikena thaka toh junaishe. Government para aro junaishe ke, loan waiver aro low interest loan toh etu package pithor te samil thakibo. Tai koishe ke, state government para aro fesla lowa toh small-scale businesses manuh ke etu saal July para December 31 darik dak motob thiboli koishe. Micro, Small aro Medium Enterprises ke July para December 31 dak tax nalobo koishe. Etu toh 3^rd financial package ase ke Left government para bemari smaai economic crisis saboli nemite junaishe. Mr Balagopal para koishe ke state government para loans toh 1 crore neshina 5 per cent interest rate te 500 business enterprises logot saal te thiboli junaishe.