Bihar railway station te Maoists para hamla korishe

New Delhi: Saturday pujur Patna-Kolkata rasta Bihar railway station te Maoists group ekta para hamla korishe aro etu pithor manuh khan para station building toh putai thiboli koishe. Railway operation toh 4 gonda neshina rokishe, keli koile Chaura railway station toh bondh thaka nemite aro etu jaga toh -hit Jamui district pithor te ase koishe. Pithor manuh khan toh police neshina korikena 6 a.m samai Chaura te ahishe aro Station Master Vinay Kumar laga cabin pithor te jaishe. Pithor manuh khan para etu jaga te Maoist week celebrate kora nemite operation toh rokiboli koishe. “ketai station master para koishe, keli rokaboli kowa te, tai khan para Maoists ase koikena bantok thikaishe,” koikena dosura railway employee para eyewitness hesab te khobor toh janaishe. Etu samai railway officials khan etu jaga te thaka khan asorit hoishe, keli koile station pithor te Maoists khan bantok thurikena aha nemite. “olop samai thaka beche, officials aro station master Vinay Kumar toh pulai jaishe,” koishe. Superintendent Jamui, Pramod Kumar Mandal etu incident laga khobor toh janaishe. “etu jaga te ami khan para search operation korishe aro etu oper te railway tracks aro railway station te jaikena green signal toh railway officials logot etu rasta te operation soruh koriboli janaishe,” koikena Mandal para koishe. Tangor trains neshian Himgiri Express toh etu rasta alag-alag jaga te roki thaki koishe. Police aro CRPF officials para green signal janai deya beche kam toh soruh korishe koishe.