MP: Bhind district jail wall kera te 22 jail manuh jokom

Bhind: Saturday pujur samai Madhya Pradesh te Bhind district jail laga wall kerikena 22 jail te bohi thaka manuh jokom paishe, koikena etu khobor toh officials para junai thishe. Barrack number  6 laga wall toh 5.10 am samai kerishe koikena Bhind Superintendent of Police Manoj Kumar Singh par PTI logot phone te janaishe. “22 jail te bohi thaka manuh khan etu hatsa te jokom paishe. 1 jun manuh toh besi beya para jokom hoikena Gwalior te medical elaj nemite loikena jaishe aro dosura jail te boha manuh khan ke district hospital te loikena jaishe,” tai para khobor toh aro janaishe. Etu samai jail pithor te 255 manuh bohi thaka samai etu hatsa toh howa ase, koishe. “ami khan logot khobor powa logot, police personnel khan jail te rescue operation nemite ahishe,” koikena Singh para aro koishe. Police officer para koishe ke, jail laga building toh besi purana hoishe etu nemite kera ase etu oper te olop din para paani besi keri ase koikena janaishe.