July 31, 2021. Assam Police para Mizoram laga sitting Rajya Sabha MP, K Vanlalvena logot notice thishe. Mizoram MP ke Assam Police para statement record koribo nemite Dholai Police Station te summoned korishe. Friday din Delhi te Assam police team ekta para Mizoram Bhawan , National Capital aro tai laga official residence te summon notice toh wall te pasted kori thishe. Etu notice toh wall te paste koriboli ola toh hoile, Tuesday din Mizoram Rajya Sabha MP para statement janai deya beche tai pulai jowa nemite ase, etu para Assam police para itya Monday din inter-state border te jamila ola nemite investigate kori ase. Dholai Police Station te Mizoram MP ke tai laga statement hesab te koishe ke, “jodi Assam police officers toh ami khan laga jaga te aro ahishe koile, tai khan ke goole maribo,” koikena te thaka nemite sawal koriboli mathishe. Tuesday din Mizoram MP para etu statement toh koishe, etu akhe din te 6 Assam Police personnel aro 1 jun civilian ke jamila samai Mizoram Police para goole marikena morishe. “tai khan gopal bhal ase sob ke mara nai. Jodi aro ahile, ami khan sob ke morai thibo,” koikena Mizoram Rajya Sabha MP K Vanlalvena para koishe. Assam Police’s CID team laga 4 member toh New Delhi te ase aro Delhi Police laga motob loikena Rajya Sabha MP ke pesaribo. Tuesday din Dholai Police Station te July 26 darik te Assam Police khan ke goole mara nemite (Case No 236/21) sections 120(B),447,336,379,333,307,302 IPC aro Section 25 (1-A) Arms Act & Section 3 of Prevention of Damage to Public property Act 1984 pithor te case registered korishe. Assam Police para koishe ke, Mizoram laga Rajya Sabha MP, K Vanlalvena para media logot interview samai kotha kora toh ‘tai laga kam ase’ koishe.
