GUWAHATI: Mizoram Police para Assam chief minister Himanta Biswa Sarma ke aro dosura state officials khan ke July 26 darik te 6 jun police aro 1 jun civilan kora te jamila ola nemite attempt to murder aro criminal conspiracy korishe koikena booked korishe. Khobor para koishe ke, Sarma jarikena Assam IGP Anurag Aggarwal, DIGP Devojyoti Mukherjee, Cachar DC Keerthi Jalli, Cachar, SP (former) Vaibhav Chandrakant Nimbalkar, forest officer Sunnydeo Choudhury, Dholai police station OC Sahab Uddin, aro dosura 200 unidentified Assam Police personnel logot FIR thishe. Etu FIR toh Inspector of Vairengte police station, H Lalchawimawia para file korishe aro koishe ke, etu accused kahn ke Indian Penal Code (IPC), Arms Act & Mizoram Containment & Prevention of Covid-19 Act 2020 pihtor alag-alag sections te booked korishe. Complaint te, Mizoram police para janaishe ke IGP para loikena “200 fully armed” Assam Police personnel aro 20 officers neshina khan para jobor-josti reserve forest loikena police camp bonaishe. Assam chief minister Himanta Biswa Sarma laga kotha kelaff te Friday din Mizoram chief minister Zoramthanga para koishe ke, border te jamila ola toh hoile, Assam police khan para puila goole jolaishe. “Assam police para goole puila marishe, ami khan Himanta aro Shah logot kotha kora nai, ami khan shanty te jamila toh kotom koriboli mon thakishe. Himanta para shanty koishe, jodi lakile ami khan CMs sob logot 2nd round kotha koribo,” koikena Zoramthanga para janaishe. Friday din Assam Police aro Mizoram laga tangor manuh aro Rajya Sabha MP K Vanlalvena logot sawal koribo koishe. Police para New Delhi te MP laga ghor te jaikena summons toh thishe koishe.
Mizoram police para CM aro 6 top officials ke FIR korishe
