GURUGRAM: Gurugram police para ek jun manuh ke murder case connection te thurishe. Etu murder case toh Monday aro Tuesday rathi pihtor Sector-37/C Gurugram jaga te howa ase koishe. Mora manuh laga nam toh Anuj Kumar Gautam, Jaunpur, Uttar Pradesh manuh thakishe. Aro accused toh Binda Prasad, Unnao Uttar Pradesh manuh ase koikena janishe. Complaint kora manuh toh Sanjay ase aro tai toh Jaunpur, Uttar Pradesh manuh ase, tai police logot complaint kora hesab te, tai aro relative Anuj Kumar Gautam para Chandan ke visit korishe, etu manuh toh labour contractor ase, konuba kam nemite Monday aro Tuesday majot te Sector-37/C jaga jaishe. Olop thaka beche Chandan toh jaishe, etu beche compliant kora manuh aro Anju toh jaga te othikena konuba kotha korishe. Olop thire thaka beche kala Verna gari te tuita(2) motha aro maiki ek jun ahishe. Etu manuh khan toh gari para lamishe aro tai khan para etu maiki ke beya kotha korishe koikena koishe, hoilebi ami khan para nahoi koishe aro ami khan ke sticks aro iron rod para marishe,” koikena complainant para police complaint te janaishe. Complainant para aro koishe ke, tai khan ke bathroom te bondh korikena Chandan ke be etu jag ate anikena tai khan tin(3) jun logot besi marishe, etu samai Anju toh sense hari jowa nemite accused khan toh jaga para pulaishe. Complainant para Anju ke joldi hospital te loikena jaishe hoilebi tai besi jokom howa nemite morishe. Preliminary investigations hesab te etu maiki para tai ke molest kora manuh laga misidentified korishe. Police para maiki ke molest kora toh be jenishe koishe. Ami khan para etu murder cases connection te manuh ke thurishe. Dosura manuh ke be thuriboli pesari ase. Murder case nemite alag-alag IPC section te registered korishe aro etu manuh khan toh Sector-10A police station ase,” koikena Preet Pal Sangwan, ACP (crime) para khobor toh janaishe.
Add Comment