SHILLONG: Manipur aro Meghalaya laga capitals- Imphal aro Shillong te direct flight operations kulishe koikena khobor para janaishe. Imphal-Shillong direct flight operations toh Government of India laga UDAN scheme pithor te soruh hoishe. “etu tuita rasta major te peraboli toh Government of India laga tangor bapana kamyaab hoishe aro etu te tangor aerial connectivity toh Northeast India te soruh hoishe,” koikena Ministry of Civil Aviation para statement te janaishe. Etu flights operations soruh kora para manuh khan etu tuita(2) states pithor te kali 60 para 75 samai majot te aha-jowa koriboli paribo. Puila toh etu tuita(2) states majot te peraboli toh Shillong para Imphal pongchiboli ek din loi thakishe aro Imphal para Shillong jaboli be enaka thakishe, koikena statement para aro janaishe. Etu tuita(2) Manipur aro Meghalaya laga capital cities te aerial connectivity toh etu jaga te thakai manuh khan besi saal para demand kori thaka ase koishe. Itya dak UDAN scheme pithor te 361 rasta aro 59 airports etu oper te 5 heliports aro tuita(2) paani rasta bonaikena perai ase koishe. Etu scheme para tangor aerial connectivity toh Sates aro UTs te connect nakorikena thaka itya hoishe aro etu te India te notun rasta toh kulikena jai ase koishe.
Add Comment