CBI para Meghalaya officials aro Mumbai firm ke booked korishe

August 4, 2021. Central Bureau of Investigation (CBI) para of a Mumbai-based private company laga Director aro dosura Meghalaya transport department logot FIR registered korishe. Tai manuh khan para High-Security Registration Plates (HSRPs) te besi daam para contract deya nemite case toh registered korishe. Khobor hesab te janaishe ke, Shimnit Utsch India Pvt Ltd laga director, , Nitin Shah aro Meghalaya te dosura transport department laga manuh ke etu case te nam thikena ase koishe. Meghalaya government para 2003 saal te HSRPs scheme kam nemite hokom deya te beya korikena ase. Mumbai aro New Delhi laga tinta(3) private companies para etu tender te kam koriboli participated korishe. Nitin Shah aro Meghalaya transport department laga officials khan para tender kam submit kora samai kam toh thik nakorikena thakishe. “Nitin Shah’s company ke kam deya te 2005 saal te rate toh besi daam para kosrishe aro etu Meghalaya government para manishe,” koikena officials para janaishe. Tuesday din CBI para alag-alag jaga te check korikena Shillong, Delhi, Mumbai aro Sirmaur, Himachal Pradesh te samil kora manuh ke jenishe. India te gari nemite HSRP scheme toh 2001 saal te Central government para introduced kora ase. State governments ke tenders loboli manishe aro rates aro plates supply thikena kam toh koriboli dey kena ase koishe.