August 4, 2021. Mizoram Bar Association (MBA) para Assam-Mizoram border NH-306 rasta bondh kora nemite Gauhati High Court Aizawl Bench te petition filed korishe. Etu Assam-Mizoram border laga rasta bondh kora nemite State te essential commodities aro medical supplies transportation toh besi beya hoishe. Mizoram Bar Association (MBA) para Central government, state government aro Mizoram government logot NH-306 rasta bondh kora nemite representation submitted korishe. “hoilebi itya dak Central government, state government aro Mizoram government laga hath para khobor eku nai aro Mizoram manuh khan besi duhk te thaka nemite MBA para Public Interest Litigation (PIL) file korishe. Itya Gauhati High Court, Aizawl Bench te PIL filed korikena thaka toh etu PIL toh Gauhati High Court laga Principal Bench para Guwahati te honiboli ase, keli koile Aizawl Bench toh Guwahati Principal Bench jurisdiction pithor te thaka nemite,” koikena MBA para statement te janaishe. Monday din Mizoram Health Minister R Lalthangliana para Centre logot letter te koishe ke, Assam para gari rasta bondh kora nemite medical supplies oper te Covid-19 test kits aro oxygen cylinders komti hoikena ase. Tai laga letter te Union Home Minister Amit Shah aro Health Minister Mansukh Mandaviya logot koishe ke, Centre para etu kam toh saikena Assam para rasta bondh korikena thaka toh aro kuliboli janaishe. Khobor hesab te, July 26 darik beche ekta saman gari be Assam para state te ahikena nai. National Highway 306 te Vairengte town toh Mizoram aro dosura state logot connect ase aro etu rasta para supplies besi wala toh state pithor te ahi thaki koishe.
