Rakesh Asthana toh notun Delhi Police Commissioner

August 6, 2021. Tuesday din Rakesh Asthana ke notun Delhi Police Commissioner junishe koishe, tai para Balaji Srivastava ke putli korishe. Rakesh Asthana para director general, Border Security Force (BSF) post thuri thakishe koishe. Asthana toh 1984 batch Gujarat-cadre IPS officer ase. Official notification te Ministry of Home Affairs (MHA) para koishe ke, Director General of ITBP SS Deswal ke BSF DG te additional charge thishe aro tai para etu post te dosura notun manuh ek jun junikena order naola dak thuri thakiboli koishe. “Shri Rakesh Asthana, IPS (GJ:84), Director General, BSF, te Commissioner of Police, Delhi thaka samai, competent authority para Shri S. S. Deswal, IPS (HY:84), Director General, ITBP logot DG post te BSF vice Shri Asthana ke additional charge thuriboli janaishe aro tai para dosura notun manuh junikena order ola beche, kaun toh puila hobo kam kori thakibo. Etu hesab te, Rakesh Asthana ke Commissioner of Police, Delhi te posting nemite joldi tai ke purana post para jariboli koishe,” koikena khobor para janaishe. Bahar AGMUT cadre IPS officer ke Delhi Police chief junai toh besi komti ase, keli koile neum hesab te Arunachal Pradesh-Goa-Mizoram aro Union Territory (AGMUT) laga cadre officer ke etu post nemite juni thaki. Puila be Asthana ke Central Bureau of Investigation (CBI) laga Special Director korikena ahishe. Tai 2018 saal te CBI thaka samai, purana CBI Director Alok Verma tai jun pithor te ek jun-ek jun oper te corruption case te putnam deya bachi kora nemite Union government pithor te central probe agency para tai jun ke be hataishe aro olop din beche charges toh cleared hoishe. August 2020 saal te Asthana ke BSF chief junishe aro etu samai tai para aro Narcotics Control Bureau head laga additional charge be thuri thakishe. Asthana para aro Bureau of Civil Aviation Security (BCAS) te DG kam korikena ahishe. Police officer para Gujarat Police pithor te alag-alag post thurikena thakishe aro Central Bureau of Investigation (CBI) te be alag-alag rank paishe. Senior IPS officer Balaji Srivastav toh itya CP Delhi charge loikena ase. June moina te S N Shrivastava retirement howa nemite ase koikena khobor para janaishe.